Á fundi framkvæmda- og hafnarráðs Vestmannaeyja  í síðustu viku var samþykkt hækkun á gjaldskrá um meðhöndlun úrgangs í Vestmannaeyjum fyrir árið 2024. Hækkun er 4,5% fyrir móttöku og urðunargjöld á móttökustöð.

Ráðið sagði gjaldskrána í samræmi við kröfur ríkisins um breytingu á lögum um hollustuhætti og mengunarvarnir, lögum um meðhöndlun úrgangs og lögum um úrvinnslugjald og bendir á EES-reglur og hringrásarhagkerfi.

Einnig var samþykkt ný gjaldskrá fyrir Vestmannaeyjahöfn.