Lögfræðingur þekktra glæpamanna segist hafa búið í Vestmannaeyjum.

Í fréttum Stöðvar 2 í gærkvöldi var viðtal við Giovanni di Stefano en hann er umdeildur lögfræðingur í Bretlandi og varði hann m.a. Slobodan Milosevits, fjöldamorðingjann Harold Shipman og Sadam Hussein.

Ástæðan fyrir viðtali Stöðvar 2 við Di Stefano í gærkvöldi er að hann er lögfræðingur íslendings sem situr í gæsluvarðhaldi í Bretlandi fyrir að hafa reynt að kúga fé út úr meðlimi Bresku konungsfjölskyldunnar.

Í viðtalinu við Stöð 2 sagði Di Stefano einnig hafa tengsl við Ísland og segir hafa búið í Vestmannaeyjum.

En hver er þessi maður sem segist vera eyjapeyi?

Giovanni di Stefano er fæddur á Ítalíu 1955 en fluttist til Bretlands sex ára gamall. Hann er hvað þekktastur fyrir að hafa verið lögfræðingur helstu glæpamanna síðari ára og er hann þekktur fyrir mikla hörku. Hann er m.a. þekktur fyrir ummæli sín að hann myndi taka að sér að verja Adolf Hitler og Satan sjálfan.

Tengsl við ÍBV 
Líklegasta ástæða þess að di Stefano segist hafa haldið heimili í Vestmannaeyjum er sú að hann var í samstarfi við Zeljko Raznatovic sem er einnig þekkur sem Arkan. Þeir tvær eignuðust knattspyrnuliðið FC Obilic en það lið lék á móti ÍBV í Evrópukeppni meistaraliða 1998.

Ekki er vitað til þess að þegar FC Olilic kom til Vestmannaeyja að eigendur liðsins hafi fjárfest í fasteign í Vestmannaeyjum eða hvort Di Stefano hafi verið með í för. Í viðtalinu segir hann einnig að hann hafi íslenskan bankareikning og það væri þá aldrei að Di Stefano væri viðskiptavinur hjá Sparisjóði Vestmannaeyja eða útibúi Glitnis í Vestmannaeyjum?

Í gagnasafni Morgunblaðsins er að finna viðtal við Jóhannes Ólafsson núverandi yfirlögregluþjón og fyrrverandi formann knattspyrnuráðs ÍBV en í viðtalinu segir m.a.
“Ferð ÍBV til Serbíu var nokkuð gagnrýnd á sínum tíma vegna tengsla Arkans við Obilic, og jafnframt komu í kjölfarið fréttir af því að Jóhannes hafi verið mikill félagi Arkans í ferðinni. Jóhannes segir að þær fregnir hafi verið alrangar, samskipti þeirra hafi verið lítil, og aðeins þau sem eðlileg væru í slíkri heimsókn.” Birtist 15.1.2000

Einnig spilaði fyrrverandi leikmaður ÍBV Alexander Ilic með liði FC Obilic áður en hann lék með ÍBV.

 

 

 

 

 

Nýjustu fréttir

Aðsend grein
Þetta er mjög einfalt og enginn ómöguleiki
Menning
 Ég skal syngja fyrir þig í Salnum
Íþróttir
Hinrik Hugi framlengir við ÍBV
Íþróttir
Díana Dögg öflug í sigri Blomberg-Lippe
Myndband
Snjóþungt í Eyjum
Áhugavert
Skvísudagur á Bókasafninu um helgina
Vinnslustöðin
Fleiri erlendir starfsmenn læra íslensku í Eyjum
Aðsent
Taktu þátt í að móta menningarstefnu Vestmannaeyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.