Margrét Lára Viðarsdóttir skoraði öll þrjú mörk Vals sem sigraði Fylki, 3:0, í Landsbankadeild kvenna í knattspyrnu á Valbjarnarvelli í kvöld. Olga Færseth bætti um betur því hún skoraði fjögur mörk fyrir KR sem vann ÍR, 8:0, í Breiðholtinu á sama tíma. Þór/KA lagði Stjörnuna í Garðabæ, 2:1, og Keflavík og Fjölnir skildu jöfn, 1:1.

Valur og KR eru áfram efst og jöfn þegar bæði lið eiga tvo leiki eftir og mætast í hreinum úrslitaleik í næstsíðustu umferð.

Hrefna Jóhannesdóttir skoraði þrjú marka KR gegn ÍR og eitt markanna var sjálfsmark.

Pamel Liddell og Ivana Ivanovic skoruðu fyrir Þór/KA í Garðabænum en Björk Gunnarsdóttir svaraði fyrir Stjörnuna.

Vesna Smiljkovic kom Keflavík yfir en Elín Heiður Gunnarsdóttir jafnaði fyrir Fjölni, 1:1.