Boðið verður upp á handboltaveislu í Íþróttamiðstöðinni á morgun en bæði kvenna- og karlalið eiga heimaleik fyrir höndum. Stelpurnar taka á móti KA/Þór í N1 deild kvenna en með sigri, getur ÍBV nálgast HK, sem er fjórum stigum á undan ÍBV og situr í þriðja sæti. ÍBV er hins vegar í fimmta sæti en HK situr yfir í þessari umferð. KA/Þór er hins vegar í áttunda og næst neðsta sæti deildarinnar með einn sigur í fimm leikjum. Leikur liðanna hefst klukkan 13:00.