Við komum á Þórshöfn síðdegis í dag með mjög vænan skammt af fallegri loðnu vel kældri, sem fer í vinnslu til manneldis. Nótin sveik okkur reyndar aftur og nýbúinn, hún rifnaði og fengum við þessa myndalegu pulsu á hana, þá skilaði hún okkur aðeins um 100 tonnum. Var þá kippt um 40 mílum norðar í trollfæri. Þar reyndist vera vænar torfur og flott veiði. Tókum við þrjú góð höl og í því síðasta í nótt tók það hann Bjarka Kristjáns aðeins ellefu mínútur til að fá inna alla fimm nemana og eftir aðeins klukkutíma tog var híft upp á gramm það sem upp á vantaði til að fylla skipið.