Á fundi bæjarráðs Vestmannaeyja sl. miðvikudag, lá fyrir skýrsla Innanríkisráðuneytisins “Félagshagfræðileg greining á framtíð áætlunarflugs innanlands�?� og minnisblað því tengt.

Bæjarráð gerir alvarlegar athugasemdir við skýrslu Innanríkisráðuneytisins.

Meðal helstu athugasemda eru:

Kostnaðar- og ábatagreining er unnin með forritinu Teresa sem byggir á Monte Carlo stefnuhermun. Gefnar forsendur gera ráð fyrir samdrætti í flugi til Vestmannaeyja upp á 3 til 7%. �?essar og aðrar hæpnar forsendur leiða til þess að kostnaðar og ábatagreining kemur í heildina verr út fyrir Vestmannaeyjar.

Skýrsluhöfundar virðast gefa sér að samgöngumál við Vestmannaeyjar séu komnar í endanlegt og ásættanlegt horf. Slíkt viðhorf lýsir eingöngu litlum skilningi á samgöngum við Vestmannaeyjar og dregur eitt og sér mjög úr trúverðugleika skýrslunnar.

Ýmislegt sem lítur að Vestmannaeyjum virðist hroðvirknislega unnið og til þess fallið að draga úr trúverðugleika og auka enn gruninn um að lítið mark sé takandi á skýrslunni. Má í því samhengi benda á að skýrsluhöfundar komast að þeirri furðulegu niðurstöðu að “Áætlunarbíll og ferja” sé einhverja hluta vegna styttri ferðamáti tímalega séð en “Akstur og ferja”. Á sama máta vekur athygli að Vestmannaeyjaflugvöllur er 4% allra áfangastaða en 2% allra brottfarastaða.

Lítið tillit virðist tekið til þess hversu flug er mikilvægt fyrir atvinnulífið í Vestmannaeyjum og telja um 50% fyrirtækja í Eyjum sig verða fyrir miklum neikvæðum áhrifum ef flug dregst saman.

Lítið er gert úr mikilvægi flugs fyrir smærri hagsmunahóp (td. börn sem eru í deildri forsjá og þurfa ítrekað að ferðast til og frá foreldri sem hefur búsetu annarstaðar) og etv. langt umfram áhrif þess annarstaðar. Í því samhengi má nefna að fleiri fljúga oftar en 10 sinnum en þeir sem fljúga um 6 til 10 sinnum.

Í samantekt er lítið gert úr mikilvægi flugs fyrir almenn búsetugæði í Vestmannaeyjum. Slíkt er ekki í neinum takti við samfélagslega þörf í Vestmannaeyjum og bendir til þess að höfundar hafi litla þekkingu af grunngerð Eyjasamfélagsins.

Of lítið er gert úr þeirri staðreynd að flugsamgöngur eru oft hluti af nauðsynlegri grunnþjónustu sem ríkið hefur valið að byggja upp í Reykjavík. �?annig hafa 78% þeirra sem notað hafa flug frá Eyjum í einhverri flugerða sinna farið til að sækja læknisþjónustu.

Bæjarráð hafnar með öllu bæði forsendum, aðferðarfræði og niðurstöðum skýrslunnar og varar Innanríkisráðherra og aðra sem um málið fjalla við því að byggja ákvarðanir á henni.