Lokakeppni Raddarinnar fór fram í Vík í Mýrdal í gær í einstaklega góðu veðri. Grunnskóli Vestmannaeyja átti þrjá fulltrúa í keppninni sem stóðu sig afar vel, að því er segir í frétt á vefsíðu Grunnskólans í Vestmannaeyjum.

Það var þó Caritas Rós Tinnudóttir, nemandi við GRV, sem bar sigur úr býtum með frábærri frammistöðu. Í öðru sæti varð Hrafnkell Frosti Ómarsson frá Hellu og í þriðja sæti Embla Bríet Einarsdóttir frá Hvolsvelli.

„Við í GRV eru ótrúlega stolt af þessum stúlkum en þess má geta að ferðalagið frá Eyjum til Víkur (báðar leiðir) tók um 12 klukkutíma,” segir enn fremur í fréttinni. Næsta lokakeppni Raddarinnar fer fram árið 2027 á Hvolsvelli.

Fleiri myndir má sjá hér.