Fiskeldið á fleygiferð í byrjun árs
default
Vestmannaeyjahöfn. Seiðaeldisstöðin í forgrunni sem er stærsta hús sem risið hefur í Vestmannaeyjum.

Ritstjórn

frettir@eyjafrettir.is

Mikil uppbygging hefur verið í fiskeldi hér á landi á undanförnum árum og framleiðsla og verðmætasköpun aukist hratt. Með því hefur fiskeldi orðið sífellt mikilvægari stoð undir gjaldeyrisöflun þjóðarbúsins og stuðlað að aukinni fjölbreytni í útflutningi. Ekkert lát virðist á þessari þróun samkvæmt nýlegum tölum frá Hagstofunni. Þetta kemur fram í Radarnum – fréttabréfi SFS.

Þar segir jafnframt að útflutningsverðmæti eldisafurða hafi numið um 6,6 milljörðum króna í mars, sem er rífleg tvöföldun miðað við sama mánuð í fyrra. Samtals er útflutningsverðmæti eldisafurða þar með komið í rúma 22 milljarða króna á fyrsta ársfjórðungi, sem er hæsta verðmæti sem náðst hefur á einum ársfjórðungi frá upphafi. Í samanburði við fyrsta ársfjórðung í fyrra nemur aukningin 25% í krónum talið. Að teknu tilliti til gengisbreytinga mælist aukningin ríflega 28%, en gengi krónunnar var að jafnaði rúmlega 2% sterkara en á sama tíma í fyrra.

Vægi eldisafurða í verðmæti alls vöruútflutnings nam rúmlega 9% á fyrsta ársfjórðungi, sem jafnframt er met. Þetta má sjá í fyrstu bráðabirgðatölum Hagstofunnar um vöruviðskipti í mars, sem birtar voru í síðustu viku. Þar eru verðmætin ekki sundurgreind eftir fisktegundum, en þær tölur verða birtar í lok mánaðarins.

 

Fjárfesting knýr vöxtinn

Að baki uppbyggingunni sem orðið hefur í fiskeldi á undanförnum árum er mikil fjárfesting af hálfu fyrirtækjanna. Fiskeldi er fjármagnsfrek atvinnugrein, sér í lagi á fyrstu stigum uppbyggingar, og endurspeglast það skýrt í aukinni fjármunamyndun í greininni á undanförnum árum. Fjármunamyndun hefur aukist hratt og verið stigvaxandi frá ári til árs. Það bendir til þess að fyrirtæki í greininni, bæði í sjókvía- og landeldi, sjái áframhaldandi tækifæri til vaxtar á komandi árum. Það er afar jákvætt því varanlegur útflutningsvöxtur er grundvöllur sjálfbærs hagvaxtar og bættra lífskjara.

Nýjustu fréttir

Íþróttir
ÍBV með bakið upp við vegg eftir tap gegn Val
Sjávarútvegur
Eyjarnar landa í Grindavík
Aðsend grein
Sterk uppbygging og skýr framtíðarsýn
Aðsend grein
Skortur á félagslegum tengslum er dauðans alvara
Fréttatilkynning
Síðasta Aglow samvera vetrarins
Samgöngur
Landeyjahöfn orðin fær á háflóði
Áhugavert
Heimsklassa matreiðslumeistarar frá Íslandi á MATEY
Íþróttir
Úrslitaeinvígið: Mæta Val á heimavelli
Mest lesið
viðburðir
Matey 2022
22. maí 2026
18:00
MATEY Seafood Festival

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.