ÍBV gerði fjórða jafnteflið í Pepsídeildinni þegar liðið sótti Breiðablik heim. �?essi tvö lið eru því enn án sigurs en ekki án jafntefla því ÍBV hefur gert fjögur jafntefli það sem af er Íslandsmótsins og Breiðablik sex. Heimamenn í Breiðabliki komust yfir strax á 8. mínútu en Blikar voru sterkari aðilinn lengst af í leiknum. Eyjamenn unnu sig þó hægt og sígandi inni í leikinn og það var svo á 80. mínútu sem Jonathan Glenn nýtti sér varnarmistök Blika og jafna metin. Atli Fannar Jónsson átti svo síðasta orðið þegar hann átti hörkuskot að marki Blika undir lokin á sínum gamla heimavelli en boltinn fór rétt framhjá.

Eyjamenn sitja sem fyrr á botni deildarinnar, nú með fjögur stig. �?ór er í næst neðsta sæti en þeir gerðu jafntefli gegn FH í dag í Kaplakrika. Nú er þriðjungi lokið af Íslandsmótinu og engum blöðum um það að fletta að árangur ÍBV til þessa hefur verið vel undir væntingum. �?að er þó rétt að halda því til haga að liðið hefur ekki tapað síðustu fjórum leikjum sínum í deild og bikar. Eyjamenn verða hins vegar að fara ná í fyrsta sigurinn en næsti leikur ÍBV í deildinni er heimaleikur gegn KR sunnudaginn 22. júní. Fyrst tekur ÍBV þó á móti Val í 16 liða úrslitum Borgunarbikarsins og fer sá leikur fram miðvikudaginn 18. júní.