ÍBV féll í dag úr leik í Borgunarbikar kvenna þegar liðið tapaði fyrir Selfossi í gær. Leikurinn fór fram á Selfossvelli en Selfyssingar byrjuðu betur og komust yfir á 11. mínútu. ÍBV sótti hins vegar mun meira eftir það en jöfnunarmarkið lét á sér standa. �?órhildur �?lafsdóttir jafnaði hins vegar metin fyrir ÍBV á 72. mínútu, eða fimm mínútum eftir að hún kom inn á. Ekki voru fleiri mörk skoruð í venjulegum leiktíma, og ekki heldur í framlengingu og því varð að grípa til vítaspyrnukeppni. Bæði lið skoruðu úr fyrstu tveimur spyrnum sínum en markvörður Selfoss varði svo spyrnu frá Nadia Lawrence. Selfoss skoraði úr fjórðu spyrnunni og þurfti ÍBV því nauðsynlega að skora úr sinni fjórðu spyrnu en markvörður Selfoss varði aftur, nú frá markahróknum Kristínu Ernu Sigurlásdóttur.