Loksins, loksins kom sigurinn!
ÍBV náði loksins að vinna sinn fyrsta leik í Pepsídeild karla þegar liðið sótti Keflavík heim í Pepsídeildinni. �?etta var tíundi leikur Eyjamanna í deildinni en fram að þessu hafði liðið gert fjögur jafntefli en tapað fimm leikjum. Eftir arfaslaka byrjun í Íslandsmótinu hefur leikur Eyjaliðsins batnað mikið en heilladísirnar voru ekki á bandi ÍBV í nokkrum af síðustu leikjum, voru bara á móti ÍBV því ekkert gekk upp hjá Eyjaliðinu. En nú tókst það loksins, lokatölur í Keflavík voru 1:2 fyrir ÍBV sem er nú komið með sjö stig og ljóst að ÍBV er komið úr botnsætinu, í bili að minnsta kosti því þótt leik Breiðabliks og �?órs sé ekki lokið, mun annað hvort liðið sitja í botnsætinu eftir leiki kvöldsins.
Sigurinn í kvöld hlýtur að létta brúnina á leikmönnum, þjálfurum, forráðamönnum og ekki síst stuðningsmönnum ÍBV liðsins en brúnin hefur verið heldur þung eftir fyrstu níu leiki deildarinnar. Leikmenn hljóta einnig að fá aukið sjálfstraust eftir jafn góðan sigur og í kvöld en Keflavíkingar hafa byrjað tímabilið mjög vel og voru í þriðja sæti fyrir leiki kvöldsins. Keflvíkingar byrjuðu betur í leiknum og komust yfir með marki á síðstu mínútu fyrri hálfleiks, eftir að Eyjamenn höfðu verið sterkari í hálfleiknum. Fyrri hálfleikur var rólegur framan af en undir lokin sóttu Eyjamenn í sig veðrið og Víðir �?orvarðarson jafnaði metin á 85. mínútu eftir að markvörður Keflvíkinga hafði brotið á Atla Fannari Jónssyni. Eyjamenn hafa nokkrum sinnum tapað stigum með því að fá á sig mörk í uppbótartíma en í þetta sinn tókst Eyjamönnum að snúa dæminu við því Atli Fannar skoraði sigurmark ÍBV í uppbótartíma og tryggði Eyjamönnum sigurinn góða.

Nýjustu fréttir

Samgöngur
Dýpkun í Landeyjahöfn sett á bið vegna mikillar siglingaumferðar
Áhugavert
Sjómannakaffið – ÍBV-stelpurnar tóku við keflinu
Sjávarútvegur
Landað í Grindavík og í Eyjum
Aðsend grein
Þarf vinnuskóli að vera vesen?
Áhugavert
„Við erum að tala um 18 íbúðir, ekki eitt einbýlishús“
Áhugavert
Veisla hjá Bjössa í 20 ár
Fréttir
Allir bæjarfulltrúar sameinast um kröfur til ríkisstjórnarinnar
Íþróttir
TM mótið hefst á morgun
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.