Landsbankinn neitar að veita upplýsingar um verðmæti Sparisjóðs Vestmannaeyja
Fyrr í dag fór fram fyrirtaka í matsmáli Vestmannaeyjabæjar þar sem þess var krafist að dómkvaddir verði tveir hæfir, sérfróðir og óvilhallir matsmenn til að meta verðmæti stofnfjár Sparisjóðs Vestmannaeyja þegar sjóðurinn var á þvingaðan máta neyddur til samruna við Landsbanka Íslands.
Til upprifjunar þá var þessu máli þannig háttað að lausafjárstaða var í raun góð þegar sparisjóðurinn fékk 5 daga til að auka eigið fé. Sá skammi tímafrestur var verulega frábrugðinn og meira íþyngjandi en áður hafði verið gert hvað varðar til dæmis SPKef og Byr. �?etta reyndist verða banabiti Sparisjóðs Vestmannaeyja sem í framhaldi var yfirtekinn af Landsbankanum.
Kaupandi með langtum meiri upplýsingar um verðmæti en seljandi
Stofnfjárheigendur höfðu þar eftir nánast enga aðkomu að yfirtöku Landsbankans og hafa frá upphafi talið að óvissa sé um hvort verðmæti stofnfjár hafi verið rétt metið. Jafnvel var svo langt gengið að �??kaupandi�?? þessara eigna (Landsbankinn) reyndist hafa upplýsingar um verðmæti eignarinnar langt umfram það sem �??seljandinn�?? (stofnfjáreigendur) hafði. Til að finna út verðmætið hefur nú verið farið fram á hlutlaust verðmætamat á eignarhlutanum.
FME gerir ekki athugasemd við hlutlaust mat
Við fyrirtökuna bókaði Fjármálaeftirlitið að stofnunin legðist ekki gegn dómkvaðningu matsmanna. Landsbankinn neitar hinsvegar með öllu að láta slíkt mat fara fram. Okkur �??fyrri hönd stofnfjáreigenda- er því nauðugur sá kostur að leita til dómstóla. �?að er fráleitt að stofnfjáreigendur fái ekki hlutlausar upplýsingar um verðmæti þess eignahluta sem í raun var af þeim tekinn og ekki hægt annað en að láta reyna á kröfuna fyrir dómstólum. Landsbankinn verst þó við gólf og lagði í dag fram greinagerð þar sem gerð er sú krafa að beiðni okkar um dómkvaðningu verði hafnað.
Ríkið í öllum stólunum við borðið
Rétt er að taka fram að afstaða okkar hjá Vestmannaeyjabæ byggir á samtali og samstarfi við aðra eigendur að Sparisjóði Vestmannaeyja. Við teljum það með öllu óeðlilegt og ósanngjarnt að eignir fólks séu yfirteknar á þennan máta án þess að fyrir liggi svo mikið sem mat á eignarsafninu. �?að ligg­ur fyr­ir að ríkið fór með ferðina í spari­sjóðnum sem meiri­hluta­eig­andi og með þrjá stjórn­ar­menn af fimm. �?að ligg­ur líka fyr­ir að ríkið rek­ur Fjár­mála­eft­ir­litið, ríkið rek­ur Sam­keppnis­ef­it­ir­litið og ríkið rek­ur Banka­sýsl­una auk þess sem ríkið rek­ur Lands­bank­ann. Í ljósi þess að ríkið er alls staðar við borðið verður að teljast mjög mik­il­vægt að meðal­hófs sé gætt gagn­vart Vest­manna­eyja­bæ og öðrum eig­end­um,
Ekki eingöngu verður að telja líkur fyrir að meðalhóf hafi verið brotið heldur er höfuðið svo bitið af skömminni með því að neita eigendum um sanngjarnt mat á þeirri eign sem er af þeim tekinn.
Hafi slíkt fengið viðgengist í viðskiptum á Íslandi þá vona ég að sá tími sé liðinn. Á það munum við í öllu falli láta reyna.
(Að gefnu tilefni er rétt að skýrt komi fram að hvorki Vestmannaeyjabær né aðrir stofnfjáreigendur hafa horn í síðu útibúsins í Vestmannaeyjum, starfsmanna né annarra þátta í rekstri bankans. Málið snýst um sanngirni og að hagsmuna stofnfjáreigenda sé gætt.)
Elliði Vignisson birti þennan pistil á heimasíðu sinni.

Nýjustu fréttir

Íþróttir
Alexandra Ósk – Íþróttamaður mánaðarins
Fólkið
Sólarbekkurinn á Kletti vinsæll áfangastaður
Fréttir
Tesla opnar sex nýjar hraðhleðslustöðvar í Eyjum
Áhugavert
Tímamót í iðn- og starfsnámi í Vestmannaeyjum
Myndband
Kjarnaborun að hefjast á Landeyjasandi
Samgöngur
Lokanir Landeyjahafnar hafa áhrif á gjaldskrá Herjólfs
Myndband
Svipmyndir frá sólríkum sunnudegi
Úr blaði Eyjafrétta
Jóhannes Grettisson rifjar upp árin á Ísleifi VE
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.