Heimir Hallgrímsson, fyrrum þjálfari íslenska karlalandsliðsins í fótbolta, verður þjálfari Al Arabi liðsins í Katar. Liðið tilkynnti þetta á Twitter í dag. Heimir gerði tveggja og hálfs árs samning við félagið sem er í 6. sæti katörsku deildarinnar sem stendur.

Á föstudag var greint frá því í fjölmiðlum í Katar að Heimir væri líklegur kandidat í að þjálfa Al Arabi. Sögurnar fengu byr undir báða vængi í gær þegar myndir birtust af honum að horfa á leik Al Arabi og Umm Salal. Heimir stýrir Al Arabi næstu tvö og hálft árið en starfslið hans hjá félaginu verður að mestu spænskt. Þó verður Bjarki Már Ólafsson Heimi til aðstoðar.

Ruv.is greindi frá

#WelcomeHeimir#العربي pic.twitter.com/fUqpNJhvt6

— Al-Arabi Sports Club (@alarabi_club) December 10, 2018