Dagskrá Þjóðhátíðar er nú fullmótuð og stefnir í stórkostlega Þjóðhátíð – síðustu tvö nöfnin sem tilkynnt eru: Séra Bjössi og Ingi Bauer.

Snillingarnir í Séra Bjössa komu óvænt og hratt fram á sjónarsviðið í fyrra með smellinum Djamm Queen og hafa síðan sigrað yngri kynslóð landsins með vel grípandi textum og sterkum takti. Ingi Bauer er svo ógnar vinsæll “pródúsant” og gerði einmitt lagið vinsæla Dicks með Séra Bjössa en þekktastur fyrir eitt allra vinsælasta lag síðasta árs, Upp til hópa með Herra Hnetusmjör sem setið hefur á lista yfir vinsælustu lögin á Spotify í heilt ár! Á morgun kemur svo út lagið Áttavilltur með Inga, Chase Anthony og Ezekiel Carl – þeirra útgáfa af hinu sígilda Þú vilt ganga þinn veg. Báðir þessir listamenn eru að spila á stóra sviðinu í Herjólfsdal í fyrsta skipti og má búast við sturlaðri stemningu.

Dagskrá Þjóðhátíðar 2019:
Herra Hnetusmjör, Huginn, GDRN, Flóni, ClubDub, Jón Jónsson, Friðrik Dór, JóiPéxKróli, SZK, Lukku Láki, GRL PWR, Bjartmar Guðlaugs, ÁMS, Aldamótatónleikarnir, Halldór Gunnar og Albatross ásamt Sverri Bergmann, Killer Queen, Stuðlabandið, Foreign Monkeys, Huldumenn, Brimnes, Svala Björgvins og Egill Ólafs.

Þjóðhátíð fer fram 1.-3. ágúst / miðasala í fullum gangi á: https://dalurinn.is/

Það eru Tuborg & Pepsi Max sem færa þér Þjóðhátíð í Eyjum.