ÍBV mætti Val í úrslitaleik Ragnarsmótsins í handbolta á laugardaginn. Þrátt fyrir fínan leik lutu þeir í lægra haldi gegn Valsmönnum og voru lokatölur 25-21,Val í vil.

“Það er margt gott sem liðið getur tekið út úr mótinu og var það fínasti undirbúningur fyrir veturinn. Það er óhætt að segja að eftirvæntingin sé mikil fyrir því að hefja leik í deildinni en liðin okkar hefja þar leik í fyrri hluta septembermánaðar,” segir í tilkynningu á Facebook síðu ÍBV handboltans.

Íslandsmótið hefst í byrjun september og eru það strákarnir sem hefja leik þann 8. með heima leik gegn Stjörnunni. Stelpurnar hefja einnig leik hér heima, þann 15. september, er þær taka á móti Aftureldingu.

Við kynnum okkur liðin betur í næsta blaði Eyjafrétta þann 28. ágúst næstkomandi.