Eyjakonur máttu sætta sig við jafntefli 22:22 þegar þær mættu ÍR á útivelli í kvöld í þriðju umferð Olísdeilarinnar. Er ÍBV með þrjú stig eftir fyrstu þrjá leikina og í þriðja sæti eins og er.

ÍR komst í 7:3 í byrjun leiks en staðan í hálfleik var 12:12 og var jafnræði með liðunum í seinni hálfleik. Birna Berg brenndi af víti undir lok leiks og ÍR jafnaði og varð jafntefli niðurstaðan.

Birna Berg var langmarkahæst Eyjakvenna, skoraði 11 mörk, Sunna 5, Birna María 5 og Brit­ney Cots 1. Marta stóð fyrir sínu í markinu og varði 13 skot.