Í öðrum þætti „Vestmannaeyjar í gegnum linsu liðins tíma“ fá áhorfendur að skyggnast inn í fjölbreytt mannlíf Eyjanna. Myndefnið er að mestu frá árunum 1950–1970 og varðveitir tíðaranda liðinna áratuga.

Eyjafréttir birta hér upptöku frá sýningarröð Sagnheima þar sem gamlar kvikmyndir eru sýndar með skýringum og samtali við sýningargesti. Að þessu sinni má meðal annars sjá myndir frá Þjóðhátíð, úr leikskólum, af listsýningum, frá bryggjulífi og skátastarfi.

Arnar Sigurmundsson fjallar um myndefnið og leiðir umræður. Með upprifjun og frásögnum gesta fá myndirnar aukið samhengi og minningar um fólk, staði og atburði lifna við.

Kvikmyndirnar í sýningarröðinni eru eftir Loft Guðmundsson, Svein Ársælsson, Friðrik Jesson, Guðjón Ólafsson, Ósvald Knudsen og fleiri. Mikill áhugi var á sýningunum og vegna aðsóknar var sjónvörpum í salnum fjölgað í þrjú svo gestir gætu betur fylgst með.

Fyrsta þáttinn má sjá hér.

Upptöku af öðrum þætti má sjá hér fyrir neðan.