Páskadagskrá Landakirkju hefst í dag, skírdag. Hér að neðan má sjá dagskrá kirkjunnar yfir páskana.

Skírdagur: Guðsþjónustan á skírdagskvöld endar á svokallaðri Getsemane-stund þar sem altarið er afskrýtt sem táknræn niðurlæging Krists. Skírdagur er frekar tregablandinn í kirkjunni og því litast guðsþjónustan nokkuð af því.

Föstudagurinn langi: Nú í ár er lestur píslarsögunnar í höndum fermingarbarna og þeim sem náðu langt í upplestrarkeppninni.

Góðgerðarsipp: Lesa má meira um góðgerðarsipp sr. Viðars hér.

Páskadagur: Undanfarin ár hefur sr. Viðar lagt leið sína í Stórhöfða til að mæta sólarupprásinni sem markar jafnframt upphaf páska. Öllum er að sjálfsögðu velkomið að koma með. Í ár er sólris kl. 5:39 og því æskilegt að mæta örlítið fyrr til að mæta fyrstu geislum sólar. Við vonum að veður og skyggni verði gott.

Kl. 8 er síðan hátíðarguðsþjónusta í Landakirkju þar sem upprisu Krists er fagnað. Sr. Guðmundur Örn þjónar. Morgunverður er í boði sóknarnefndar í safnaðarheimilinu eftir messu. Kl. 10:30 er síðan hátíðarguðsþjónusta á Hraunbúðum þar sem sr. Viðar þjónar.

Í öllum guðsþjónustum syngur Kór Landakirkju og Kitty stjórnar. Sjáumst í kirkjunni okkar um páskanna. Gleðilega páska!

Af vef Landakirkju.