Guðmundur Ásgeir Grétarsson, Bikaróður Eyjamaður á sér sitt draumalið í handboltanum og þar er bara pláss fyrir þá bestu. Þetta kom fram á blaðamannafundi sem hann boðaði til á annan í hvítasunnu þar sem hann kynnti líka nýja stjórn hjá ÍBV-B.

Ísak Rafnsson er nýr þjálfari ÍBV-B og aðstoðarmaður hans er Þorkell Rúnar. Formaður er Kjartan Vídó, Óskar Bjarni verður varaþjálfari og Ómar Garðarsson upplýsingafulltrúi.

Róbert Agnar er nýr ritari, Pálmi Harðarson gjaldkeri og Grétar Þór verður til aðstoðar hvar sem þörf verður. Tryggvi Rafnsson verður grillstjóri og Stefán Róbertsson snýr aftur til ÍBV-B.

Leikmenn sem Gummi vill sjá í ÍBV-B eru Einar Baldvin frá Aftureldingu, Róbert Aron frá Val, Kári Kristján frá ÍBV, Halldór Kristinn frá Þór, Einar Örn frá FH, Dagur Arnars frá ÍBV, Nökkvi Snær og Aron Pálma og Alexasnder Petersen og Eyjamaðurinn Vignir Stefánsson frá Val.

Harðsnúið lið sem gaman væri að sjá á handboltavellinum og sýnir að okkar maður veit meira en margur um handbolta.