Það var heldur betur líflegt í Vestmannaeyjahöfn í morgun þegar Eyjaflotinn hélt nánast samtímis til makrílveiða. Fjögur skip frá Ísfélaginu og þrjú frá Vinnslustöðinni.

Sjá einnig: Ísfélagið sendir fjögur skip á makrílveiðar,  Þrjú skip Vinnslustöðvarinnar farin til makrílveiða

Óskar Pétur Friðriksson, ljósmyndari var á Skansinum í morgun og myndaði skipin halda úr höfn. Hafði hann orð á því að þetta hafi minnt á vertíðarsteminguna í gamladaga að sjá alla þessa umferð um höfnina. Eyþór Harðarson, útgerðarstjóri Ísfélagsins var einnig mættur á Skansinn að horfa á eftir flotanum á miðin.