Frá og með morgundeginum og fram að jólum verður sannkölluð jólastemning á Bókasafni Vestmannaeyja. Börnum gefst tækifæri til að taka þátt í skemmtilegum Jólasveinaklúbbi þar sem lestur og leikur fara saman. Að auki er barnabókahöfundurinn Birgitta Haukdal, væntanleg í heimsókn á safnið til að lesa, syngja og skapa notalega stund með krökkunum.

Hér fyrir neðan má sjá nánari upplýsingar um bæði Jólasveinaklúbbinn og heimsókn Birgittu til Eyja.

Jólasveinaklúbbur 2025

Frá 22. nóvember til 20. desember geta öll börn gengið í Jólasveinaklúbb Bókasafns Vestmannaeyja. Þátttakendur velja sér bók/bækur á Bókasafninu og lesa að minnsta kosti í 10 skipti, að lágmarki 15 mínútur í hvert sinn. Fyrir yngri börnin mega foreldrar lesa bækurnar.

Öll börn í Vestmannaeyjum eru með frían aðgang að Bókasafninu. Öll fá „lestrarhest“ við skráningu í klúbbinn sem fylltur er út og skilað inn á safnið 20. desember, en þann dag er öllum börnum boðið á jólaskemmtun! (Nánar auglýst síðar).

Birgitta Haukdal á Bókasafninu

Barnabókahöfundurinn Birgitta Haukdal kemur í heimsókn á Bókasafnið! Á morgun, laugardag kl. 12:30 mun Birgitta mun lesa upp úr nýjustu Láru bókinni sinni og mun syngja með börnunum.