Rannveig Ís­fjörð sækist eftir 4. sæti í prófkjöri Sjálfstæðisflokksins
Rannveig Ísfjörð Cr
Rannveig Ísfjörð

Ritstjórn

frettir@eyjafrettir.is

Rannveig Ís­fjörð hefur tilkynnt að hún gefi kost á sér í 4. sæti í komandi prófkjöri Sjálfstæðisflokksins í Eyjum.

Í tilkynningu sinni rifjar hún upp að dvöl hennar í Eyjum hafi upphaflega átt að vara í þrjá mánuði, en sé nú orðin 173 mánuðir – og ekki sér fyrir endann á henni. Hún segist frá fyrstu tíð hafa dáðst að kraftinum og samheldninni í samfélaginu og hér hafi hún byggt upp heimili, fest rætur og tekið virkan þátt í bæjarlífinu.

Rannveig er gift Pálma Harðarsyni og eiga þau fimm börn saman. Hún segir fjölskylduna móta sýn sína á lífið og mikilvægi ábyrgðar, heilinda og þrautseigju. Hún vilji vera börnum sínum fyrirmynd og sýna að árangur náist með samvinnu og því að gefast ekki upp þegar á móti blæs.

Rannveig er byggingarverkfræðingur með meistaragráðu í framkvæmdastjórnun og er að ljúka meistaragráðu í forystu og stjórnun með áherslu á mannauðsmál. Hún hóf þátttöku í sveitarstjórnarmálum árið 2018 sem varamaður í fræðsluráði. Eftir kosningar 2022 tók hún sæti í framkvæmda- og hafnarráði og situr nú í fjölskyldu- og tómstundaráði, auk þess að eiga sæti í stjórn Herjólfs.

Í námi og starfi segist hún hafa öðlast reynslu af stjórnsýslu, skipulagsmálum og verkefnastjórnun og lært að forgangsraða, leita lausna og taka ábyrgar ákvarðanir.

„Vestmannaeyjar eiga skilið sterka og trausta forystu,“ segir Rannveig og bætir við að hún trúi því að gott samstarf og opin samvinna séu lykillinn að árangri. Hún býður því fram krafta sína og óskar eftir stuðningi í 4. sæti í prófkjörinu sem fram fer 13. mars næstkomandi.

Nýjustu fréttir

Stjórnmál
Krefjandi umræða styrkir okkur
Aðsend grein
Viðbragð við svari Eyþórs
Aðsend grein
Sterkari grunnskóli og öflugri framtíð
Samgöngur
Samgöngur – ítrekuð áskorun til þeirra sem ráða
Fréttatilkynning
Jakob Frímann ásamt leynigesti á Hljómey Xtra í samstarfi við Aukakrónur Landsbankans
Áhugavert
Boltinn farinn að rúlla – og kosningabaráttan líka
Fréttir
Spurt og svarað: Rannveig frá Sjálfstæðisflokknum
Aðsend grein
Fólkið okkar og framtíðin
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.