Goslokahátíðin hélt áfram af fullum krafti í Vestmannaeyjum í dag þar sem fjölbreytt dagskrá bauð upp á afþreyingu fyrir alla aldurshópa. Halldór B. Halldórsson var á ferð um bæinn með myndavélina og tók saman þriggja mínútna myndband sem fangar stemninguna á deginum.

Meðal annars leit hann við á dorgveiðikeppni SJÓVE á Básaskersbryggju, heimsótti Björnis brunabangsa á slökkviliðsstöðinni og fylgdist með Goslokahlaupi Ísfélagsins, auk þess að fanga mannlífið og hátíðarstemninguna víðs vegar um bæinn. Sjón er sögu ríkari.