Hópur fólks hittist á þriðjudögum kl. 17.00 í Landakirkju og er pláss fyrir fleiri.  Við komum saman rétt fyrir kl. fimm og sá sem leiðir stundina les nokkur uppörvandi orð og svo sitjum við í þögn í 20 mínútur og þegar hugsanir fara af stað höfum við bænaorð að leita til. Þetta er ekki langur tími en gefur mikið.

Kyrrðarbæn hentar fólki á öllum aldri og allir geta iðkað hana óháð kirkjudeild eða menningu. Það getur verið erfitt að byrja, en með aga og endurtekningu verður kyrrðarbænin eitt það mikilvægasta í lífinu. Jesú segir;.. Ég er vegurinn, sannleikurinn og lífið….Jóh 14.6

Með ástundun kyrrðarbænar tel ég að við nálgumst líf í fullri gnægð. Það er margs konar styrkur fyrir líkamann að iðka kyrrðarbæn og með ástundun hennar og ég hef kynnst sjálfri mér betur. Ég hef öðlast innri lækningu og fundið fyrir kærleika á dýpri hátt en áður.

Tilfinningar mínar eru í meira jafnvægi og andleg líðan er betri. Samband mitt við sjálfa mig, Guð og aðra hefur styrkst. Við munum koma saman á hverjum þriðjudegi til 15. desember. Nánari upplýsingar eru hjá Kyrrðarbænarsamtökunum á kyrrdarbaen@kyrrdarbaen.is.

Þóranna M. Sigurbergsdóttir