Draumaleikur ÍBV
ÍBV. fótbolti. karlar.

Kæru Eyjamenn

Komandi laugardag átti fótboltasumarið að hefjast hjá okkur í ÍBV með bikarleik gegn Grindavík. Vetrarmótin höfðu gengið mjög vel og mátti hvergi sjá að ÍBV léki deild neðar en mörg lið sem liðið keppti við og vann.

Ekki er ljóst hvenær knattspyrnusumarið hefst en miðað við fréttir Almannavarna nú dag eftir dag fer maður að fyllast bjartsýni og sjá að þetta ástand endar einn daginn, ótrúlegt en satt.
Við í ráðinu fengum ÍBV goðsagnirnar Gunnar Heiðar og Tómas Inga til að velja sín draumalið sem mætast ekki í Draumaleik ÍBV þann 18. apríl. Mætast ekki segi ég. Já, um sýndarleik er að ræða en peyjarnir skiluðu inn skemmtilegum texta þar sem þeir rökstuddu val sitt gaumgæfilega.
Að lesa um leikinn er góð skemmtun og er keppni í lestri á landsvísi en lestur er ekki bara bækur, þó að þær séu auðvitað bestar. Ég skora því á alla að lesa um draumaleikinn hér í hlekknum: https://tix.is/is/event/9971/draumaleikur-ibv/ en þar kemur m.a. fram að Tómas Ingi valdi pabba sinn til að þjálfa liðið sitt svo hann yrði örugglega í liðinu. Einnig er þar að finna stórkostlega spá frá Gumma Ben. Er viss um að margir taki fótboltaafþreyingu fagnandi og er um að gera að fræða þau yngri um þá leikmenn sem þarna eru valdir.

Ef þið eruð í stuði megið þið gjarnan kaupa miða á leikinn (sem fer aldrei fram) og styðja þannig við deildina. Einhverjir á Facebook hafa líka skorað á aðra kaupa miða og er um að gera að láta vita af þessum leik, þó ekki sé nema bara fyrir skemmtilegan lestur, eins og áður segir. Allur stuðningur er ákaflega vel þeginn.

Það kemur að því að fótboltasumarið hefjist og er ÍBV með stór markmið fyrir sumarið þar sem heimamenn verða í stórum hlutverkum í bland við þá flottu aðkomumenn sem við höfum á að skipa.

 

Að endingu vil ég óska ykkur gleðilegra páska og segja; áfram ÍBV, alltaf , alls staðar!

Fótboltakveðja,

Daníel Geir Moritz, formaður knattspyrnuráðs kk

Nýjustu fréttir

Aðsent
Minningar um gos – söngvar og sögur í Eldheimum
Sjávarútvegur
„Fínasti vertíðarfiskur”
Fréttir
Kallað eftir hugmyndum fyrir Goslokahátíð 2026
Herjólfur
Ein ferð í Landeyjahöfn
Áhugavert
Heilsurækt við Íþróttamiðstöðina boðin út á ný eftir kærumál
Aðsent
Góður mánudagur sem varð enn betri!
Sjávarútvegur
Fimm skip til loðnuleitar
Vinnslustöðin
Löndun Breka VE í Grundarfirði – flókið verkefni og fumlaus vinnubrögð
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.