Áhafnarmeðlimir á Herjólfi hafa boðað til verkfalls

Kosning um tímabundna vinnustöðvun um borð í Herjólfi meðal félagsmanna Sjómannafélags Íslands fór fram í síðustu viku. Alls eru 21 áhafnarmeðlimur í félaginu en 17 greiddu atkvæði, allir með vinnustöðvun að sögn Jónasar Garðarssonar hjá Sjómannafélagi Íslands.

Fyrsta verkfall hefst á miðnætti þriðjudaginn 7. Júlí og stendur í sólarhring. Næsta vinnustöðvun stendur í tvo sólarhringa og stendur frá miðnætti 14. Júlí og þriðja aðgerðin sem boðuð hefur verið stendur í þrjá sólarhringa og hefst á miðnætti 28. Júlí. Þetta staðfesti Jónas í samtali við Eyjafréttir.

„Þetta mál er í Félagsdómi og við vitum svo sem ekki hvað kemur út úr því. Deilan snýst fyrst og fremst um það að Herjólfur OHF hefur ekki sinnt því að mæta til fundar um kjaramál þrátt fyrir að við höfum ítrekað leitað eftir því. Gerður hefur verið samningur við Sjómannafélagið Jötunn sem þeir líta þannig á sé gildandi kjarasamningur fyrir alla en einungis tveir áhafnarmeðlimir eru félagar í Jötni,“ sagði Jónas.

Ólöglegar aðgerðir
„Við lítum þannig á að þessar aðgerðir séu ólöglegar. Beiðni um viðræður hefur aldrei verið hafnað að okkar hálfu en aldrei hafa verið lagðar fram neinar kröfur fyrr en núna nýlega. Allir starfsmenn Herjólfs eru með gildan ráðningarsamning sem gerður var í upphafi síðasta árs. Félagið er einnig með gildandi kjarasamning við Sjómannafélagið Jötunn,“ sagði Guðbjartur Ellert Jónsson, framkvæmdastjóri Herjólfs OHF í samtali við Eyjafréttir.

Guðbjartur sagði að málinu hefði verið stefnt fyrir Félagsdóm á þriðjudaginn og þingfest sama dag. „Málið verður tekið fyrir í dag og búið er að boða til dómsuppkvaðningar hjá Félagsdómi á mánudag þá kemur í ljós hvort af vinnustöðvun verður,“ sagði Guðbjartur að lokum.

Nýjustu fréttir

Fréttir
Sköpunarhúsið áfram opið í sumar 
Mannlíf
Tónleikar og skemmtun í Höllinni um helgina
Fréttir
Innviðaráðherra og forstjóri Vegagerðarinnar heimsóttu borstæði Eyjaganga
Samgöngur
Tólf ferðir á dag til og frá Eyjum frá 8. júní – uppfært
Aðsend grein
Högum okkur
Herjólfur
Herjólfur frestar 8 ferða áætlun 
Fréttir
Karlakór Vestmannaeyja með vortónleika
Áhugavert
Eyjagöng: Borað yfir 120 metra á rúmri viku
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.