Hákon Daði Styrmisson, leikmaður ÍBV, hefur skrifað undir samning við þýska handknattleiksliðið Vfl Gummersbach sem Guðjón Valur Sigurðsson þjálfar þar hittir hann einnig fyrir Elliða Snæ Viðarsson. Gummersbach greinir frá þessu á samfélagsmiðlum sínum í morgun.

Hákon Daði er 23 ára gamall vinstri hornamaður. Hann á að baki farsælan feril á Íslandi bæði með ÍBV og Haukum og er sem stendur markahæsti leikmaður Olísdeildarinnar. Hákon Daði hefur leikið sex A-landsleiki og skorað í þeim 23 mörk.