Annar karfatúr Bergs á einni viku
10. júlí, 2024
Bergur Nyr Opf
Bergur VE. Eyjafréttir/Eyjar.net: ÓPF

Ísfisktogarinn Bergur VE landaði fullfermi af karfa í Þorlákshöfn á laugardaginn. Þetta var annar karfatúr skipsins á einni viku.  Haft er eftir Jóni Valgeirssyni skipstjóra á vef Síldarvinnslunnar að veiðin hafi gengið vel.

“Það var einfaldlega fantakarfaveiði á Fjöllunum á Reykjaneshryggnum. Það gekk hratt og vel að fylla skipið rétt eins og í karfatúrnum á undan. Við lönduðum í Þorlákshöfn vegna goslokahátíðar því þá er Herjólfur upptekinn í öðrum verkefnum en að flytja fisk á milli Eyja og lands. Það var haldið til veiða á ný strax að löndun lokinni og þá var farið austur á Stokksnesgrunn að reyna við ýsu. Það var ágæt ýsuveiði þar til að byrja með en svo datt hún niður og þá færðum við okkur á Lónsbugtina þar sem við erum nú í blíðunni að reyna við kola. Ég geri ráð fyrir að við löndum í Eyjum í dag,”

segir Jón.

Skoða blaðið á netinu
Forsida 12 Tbl 2024
12. tbl. 2024
Mest lesið
viðburðir
Fylgstu með

Skráðu þig á fáðu nýjustu tilkynningar fyrst