- Eyjafréttir
- ·
- Íþróttir
- ·
Ásta Björt semur við Hauka
Ásta Björt Júlíusdóttir hefur gert samning við handknattleiksdeild Hauka um að leika með meistaraflokki félagsins næstu 3 árin. Ásta Björt kemur til liðs við Hauka frá ÍBV þar sem hún er uppalin og hefur leikið allan sinn feril. Frá þessu er greint á facebook síður Hauka nú í kvöld.
Ásta Björt er 22 ára örvhent skytta en getur einnig leyst stöðu hægri hornamanns. Ásta hefur nú á tímabilinu skorað 43 mörk í Olís deildinni og hefur hún verið í stóru hlutverki undanfarin ár hjá góðu liði ÍBV en á síðasta tímabili skoraði hún 111 mörk í 18 leikjum.
Við undirskriftina hafði Gunnar þjálfari þetta að segja: “Það eru frábærar fréttir fyrir Hauka að fá Ástu til liðs við félagið en hún er metnaðarfullur leikmaður sem mun passa vel inn í okkar unga og efnilega lið. Hún eflir hópinn og styrkir okkur verulega hægra megin á vellinum.“
Nýjustu fréttir
Mest lesið
