�?essari keppni er ætlað að þjálfa dróttskáta og ungliða björgunarsveita í útivist og ferðamennsku um óbyggðir Íslands. Keppnin felur í sér 30 tíma ratleik sem hefst í skíðaskála Víkings klukkan 7:00 að laugardagsmorgni og endar við sundlaugina í Hveragerði klukkan 14:00 á sunnudegi.

Á föstudagskvöldi skipuleggja skátarnir leið sína um svæðið og ákveða hversu marga þrautapósta þeir ætla að koma við á. Við skipulagninguna reynir á góða kunnáttu í kortalestri og rötun.

Keppnin á laugardegi og sunnudegi fer fram á Hellisheiði og Hengilssvæðinu þar sem skátarnir leysa þrautir sem reyna á þekkingu og hæfni þeirra í útivist og ferðamennsku. �?rautirnar geta falið í sér að svara spurningum um hæstu fjöll jarðar, síga í klettum og æfa snjófljóðaleit svo fátt eitt sé nefnt.

Skátarnir gista á leiðinni við skátaskálann �?rym og geta valið hvort þeir gisti innandyra, í tjaldi, snjóhúsi eða undir berum himni en fyrir það eru gefin stig eftir því hvar þau sofa. Keppnin er mikil þrekraun fyrir ungmennin þar sem reynir á útsjónarsemi, þol og hugrekki þeirra

Á sunnudegi lýkur keppninni formlega við sundlaugina í Hveragerði með grillveislu og verðlaunaafhendingu ásamt hópmyndatöku. Keppendur skola síðan af sér ferðarykið í sundlauginni.

Veglegir vinningar eru í boði fyrir fyrstu 3 sætin og aðra sem hafa skarað fram úr á ákveðnum sviðum.

Stór hópur eldri skáta og björgunarsveitafólks kemur að skipulagningu keppninnar.