Herjólfur hefur síðustu daga þurft að sigla eftir sjáfarföllum vegna þess að dýpi hefur ekki verið nægjanlegt til að halda fullri áætlun. Dýpkun hófst í vikunni og hefur gengið vel að sögn Sólveigar Gísladóttur sérfræðings hjá Vegagerðinni. “Jú, það hefur gengið vel. Þeir byrjuðu á mánudaginn klukkan átta og klukkan sjö í morgun var búið að taka ca. 8.300 m³.” Áætlað er að samtals þurfi að fjarlægja um 20.000 m³ til að Herjólfur geti siglt fulla áætlun án þess að vera háður sjávarföllum. “Eftir daginn í dag verða þeir ekki háðir sjávarföllum í dýpkun á ættu afköstin að um það bil tvöfaldast,” sagði Sólveig í samtali við Eyjafréttir.