Eyjamenn máttu þola tap í fjórða leik sínum í röð er þeir tóku á móti Fram í 13. umferð Bestu deildar karla í kvöld. Leikurinn fór fram í Úlfarsárdal og eftir mjög rólegar upphafsmínútur voru það heimamenn sem tóku forystuna á 20. mínútu leiksins þegar Freyr Sigurðsson náði að koma boltanum í markið eftir klaufagang í vörn Eyjamanna. Aðeins átta mínútum síðar bætti Jakob Byström við öðru marki fyrir Fram eftir góðan undirbúning Vuk Oskar Dimitrijevic.  

Milan Tomic komst næst því að minnka muninn fyrir ÍBV í seinni hálfleik þegar bjargað var á línu frá honum og svo átti Sverrir Páll Hjaltested fínan skalla en hann fór rétt framhjá marki Framara. Ekki voru fleiri mörk skoruð og 2-0 sigur Framara staðreynd. 

Eftir leikinn er ÍBV í tíunda sæti með 14. stig á meðan Framarar komu sér upp í 5. sæti með 19. Stig.

Eyjamenn taka á móti Víkingum í 14. umferð Bestu deildarinnar laugardaginn 5. júlí kl. 16:00. Ekki er enn ljóst hvort leikurinn fari fram á Þórsvelli eða á nýjum Hásteinsvelli.