Leikmenn og stuðningsmenn meistaraflokks og 2. flokks karla í handbolta hjá ÍBV, eru þessa dagana staddir í æfingaferð í Sevilla á Spáni en þar leikur íslenska landsliðið leiki sína í riðlakeppni HM í handbolta. Eyjamennirnir hafa verið mjög áberandi á pöllunum, sungið nánast látlaust og stutt vel við bakið á sínum mönnum. Hópurinn ætlar að bæta um betur í kvöld og mæta enn skrautlegri til leiks, ef marka má myndir þeirra á facebook, sem fylgja fréttinni.