Páll Magnússon, forseti bæjarstjórnar Vestmannaeyja með meiru vakti í vikunni athygli á einstökum viðburði í sögu ÍBV. Það hefur lengi verið eitt helsta metnaðarmál ÍBV að meistaraflokkar félagsins leiki í efstu deildum karla og kvenna – bæði í handbolta og fótbolta. Þetta tekst ekki alltaf en er sem betur fer staðan núna!

„Það er afar sjaldgæft, kannski einsdæmi, að öll þessi fjögur lið eigi leik sama síðdegið en það gerðist í dag. Og það er örugglega einsdæmi að sigur vinnist í öllum fjórum leikjunum eins og gerðist í dag! Á Íslandsmótinu í handbolta unnu karlarnir Hauka og konurnar KA/Þór. Og í Lengjubikarnum í fótbolta unnu konurnar Tindastól og karlarnir Leikni. Geri aðrir betur,“ segir Páll.