Góður gangur í Íslandssíld og Kap komin í jólafrí

Eyjafréttir
·
Vinnslustöðin
·
4. desember 2025

Veiðar á Íslandssíld hafa gengið vel hjá Vinnslustöðinni í haust og vinnsla verið nokkuð samfelld þrátt fyrir breytilegt veðurfar síðustu daga. Þetta segir Sverrir Haraldsson, sviðsstjóri botnfisks hjá Vinnslustöðinni, í samtali við Eyjafréttir.

Að hans sögn hófust síldveiðar í lok október og hafa bæði Gullberg og Huginn verið á miðunum síðustu daga. „Í Huginn eru komin um 900 tonn og hann kemur í land í nótt,“ segir Sverrir. Síldin sé af mjög góðum gæðum og henti vel til vinnslu. Samtals hafi verið landað tæpum 7.000 tonnum af Íslandssíld og rúmlega 3.000 tonn af því magni farið í frystingu.

Sverrir segir að netabáturinn Kap hafi verið á veiðum allt frá því í lok september, en farið í árlegt jólafrí nú um síðustu mánaðamót. „Þetta er svipuð venja og undanfarin ár. Kap fer svo strax af stað aftur í byrjun janúar,“ segir hann. Gangurinn í haust hafi verið mjög góður og aflinn blanda af þorski og ufsa, auk þess sem talsvert hefur verið af löngu.

Togskipin hafa einnig verið að gera góða túra, en þurft að sækja nokkuð langt. „Þau hafa oftar en ekki þurft að sækja bæði austur fyrir land og á Vestfjarðamið, auk þess að fara djúpt út af Reykjanesi,“ útskýrir Sverrir. Breki og Þórunn Sveinsdóttir hafa að mestu verið úti fyrir Vestfjörðum að undanförnu. Vegna veðurs og flutninga frá Eyjum hafi löndun af og til farið fram í Hafnarfirði.

„Breki fór út aftur á mánudaginn eftir að hafa landað í Hafnarfirði. Hann byrjaði suðvestur af Reykjanesi en er núna kominn austur fyrir land vegna slæmrar veðurspár,“ segir Sverrir. Þórunn Sveinsdóttir landaði þar í gær og hélt út aftur sama kvöld. „Hún er komin í leiguverkefni og verður að veiðum fyrir landvinnslu Samherja fram í miðjan janúar.“

Drangavík hefur einnig verið að veiðum við Eyjar, en sótt talsvert bæði austur og vestur fyrir Reykjanes. „Togskipin eru almennt með blandaðan afla – þorsk, ýsu, ufsa og karfa ásamt fleiri tegundum.“

Veðrið hefur, að sögn Sverris, verið einstaklega gott í haust allt fram að síðustu viku. „Síðan þá hefur þetta verið aðeins snúnara, en við höfum þó náð að halda góðri keyrslu,“ segir hann.

Í vinnslunni hefur einnig verið nóg að gera. „Við höfum verið í stöðugri saltfiskvinnslu í haust samhliða síldarfrystingu,“ segir Sverrir. Þá hafi unnið verið í ferskum afurðum og frystingu í Hafnarfirði. Að lokum segir hann að starfsemi í Leo Seafood sé nú lokið. „Það hefur ekki verið nein starfsemi þar frá því í lok síðustu viku,“ bætir hann við.

Nýjustu fréttir

Íþróttir

Þriðji sigur ÍBV í röð kom gegn Stjörnunni

Fólkið

Bergmál á Þingvöllum sló í gegn

Íþróttir

Mikilvæg stig í húfi þegar Stjarnan kemur til Eyja

Áhugavert

MAST, Fiskistofa og Verðlagsstofa skiptaverðs sameinuð

Aðsend grein

Það þarf meira en hús til að reka skóla

Fréttir

Grjótleit komin á fullt á Haugasvæðinu

Úr blaði Eyjafrétta

Vigga og Guðni hafa heimsótt 86 lönd og eru hvergi nærri hætt

Myndband

Sólhlíð, Áshamar og Stakkagerðistún

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki