Ekki er víst að Gunnar Már Guðmundsson, miðjumaður ÍBV geti leikið með liðinu í upphafi tímabils. Gunnar Már meiddist í æfingaferð á Spáni í vikunni þegar hluti af hnéskelinni brotnaði, samkvæmd www.fotbolti.net. Á síðunni er haft eftir Magnúsi Gylfasyni að Gunnar Már gæti hugsanlega náð byrjun tímabilsins samkvæmt björtustu vonum, annars fljótlega eftir að mótið byrjar. Þá er Andri Ólafsson einnig frá en Andri hefur lítið getað tekið þátt í undirbúningstímabilinu vegna meiðsla í nára.