Á HSU í Vestmannaeyjum starfar mikið af reynslu miklu fólki með hina ýmsu sérþekkingu. Starfsemin er öflug og gríðarlega mikilvæg fyrir okkar frábæra samfélag.

Málefni sjúkrahússins og hjúkrunarheimilisins eru ekki á könnu sveitarfélagsins en það þýðir ekki að bæjarstjórn megi sofna á verðinum í hagsmunagæslu.

Eftir að almennt flug lagðist af í Vestmannaeyjum hefur sjúkraflug aukist. Ekki er lengur hægt að senda sjúklinga í dagsferð í rannsóknir eða minniháttar aðgerðir nema með því að kalla út sjúkraflug með tilheyrandi kostnaði og bið. Einnig seinkar oft vinnslu á sýnum eða lyfjagjöfum vegna tafa í flutning.

Hér stendur ónotuð skurðstofa og við gætum nýtt allt okkar frábæra starfsfólk til að sinna fjölbreyttari verkefnum ef að fjármagn væri nægjanlegt og það væri ekki óskrifuð stefna í heilbrigðismálum að færa alla þjónustu á höfuðborgarsvæðið.

Við þurfum að vera í góðu samstarfi við stjórn HSU og þingmennina okkar um stöðuna í heilbrigðismálum í Vestmannaeyjum og megum aldrei sofna á verðinum.

Trausti Hjaltason

Sækist eftir 1. sæti í prófkjöri Sjálfstæðisflokksins 13. mars nk.