Herrakvöld handknattleiksdeildar ÍBV fer fram næstkomandi laugardag í Oddfellowhúsinu. Ási Guðna stígur á stokk og mega gestir eiga von á skemmtilegu og fjörugu kvöldi í góðum félagsskap. Húsið opnar kl. 19:00.

Miðinn kostar 9.000 krónur og er miðasalan í fullum gangi á Hárstofu Viktors og Birkis. Einnig er hægt að senda tölvupóst á vilmar@ibv.is til að tryggja sér miða.

Kvöldið er tilvalið fyrir vinahópa, vinnustaði og alla peyja sem vilja eiga skemmtilega kvöldstund saman. Pílukeppnin verður að sjálfsögðu á sínum stað og veglegir vinningar í boði.

Það er því um að gera að heyra í félögunum, safna saman hópi og mæta til að skapa alvöru stemningu. Góður matur, drykkir, skemmtun og góður félagsskapur verða í fyrirrúmi og allt lagt upp með að kvöldið verði eftirminnilegt.