Peyjarnir hófu leik á Orkumótinu 2022 stundvíslega kl. 08:20 í gærmorgun og var veðrið í gær ágætt, skýjað en einstaka rigingarskúr. En það lék við leikmenn, þjálfara, foreldra og aðra gesti í skrúðgöngunni og á setningarhátíðinni. Dagurinn í dag heilsaði bjartur og fagur og líkur á góðu veðri um helgina. Orkumótinu lýkur á morgun með úrslitaleikjum og á eftir  halda tæplega 1000 leikmenn til síns heima, þreyttir og ánægðir og með minningar um frábært mót sem alltaf verður eitt af þeim stóru, sama hvað þeir ná langt í knattspyrnunni.

Þetta eru 38. Orkumótið, félögin eru 38, liðin 112  og 996 leikmenn. Með liðsstjórum og þjálfurum eru þetta tæplega 1200 manns. Foreldrar og heilu fjölskyldurnar fylgja strákunum og sé gert ráð fyrir tveimur með hverjum keppenda er varlega áætlað að hér séu um 3000 gestir í tengslum við Orkumótið.

Áfram heldur veislan í dag og klukkan 19.00 keppa Landsliðið og pressuliðið á Hásteinsvelli 19.00

Kvöldvakan er svo klukkan 20:00, það er enginn annar enn sjálfur Jón Jónsson sem mun skemmta stráknum.

Myndir: Sigfús Gunnar.