Karlakór Vestmannaeyja hefur starfsemi vetrarins á hinu árlega kjötsúpukvöldi í Kiwanishúsinu föstudaginn 18. september kl. 20.00. Öllum karlmönnum í Vestmannaeyjum er boðið að koma, gæða sér á kjötsúpu og kynna sér starf kórsins.

Kjötsúpukvöldið er kjörið tækifæri fyrir þá sem hafa áhuga á söng og góðum félagsskap að kynnast starfi Karlakórsins og jafnvel ganga til liðs við hann. Kórfélagar vonast til að sjá sem flest ný andlit og hvetja gesti til að taka einn eða tvo félaga með sér.

Óvirkir félagar eru jafnframt hvattir til að endurnýja kynnin við kórstarfið, en stefnt er að öflugu og skemmtilegu starfi í vetur. Í boði verða dýrindis kjötsúpa, léttar veitingar, söngur og góður félagsskapur ,segir í tilkynningu frá skipuleggjendum.

Nánari upplýsingar má finna á Facebook-viðburði Karlakórsins.