Íbúar ósáttir við gula kantinn - vilja einstefnu

Eyjafréttir
·
Fréttir
·
19. ágúst 2020

Á fundi umhverfis- og skipulagsráðs Vestmannaeyja síðastliðinn mánudag lögðu íbúar við Heimagötu fram undirskriftalista þar sem þeir óska eftir að Heimagatan verði gerð að einstefnugötu. „Og þá upp götuna svo íbúar geti lagt bifreiðum sínum við heimili sín. Mikil óánægja hefur skapast eftir að gulur kantur var málaður beggja megin Heimagötu sem bann við lagningu ökutækja og um leið kom í veg fyrir að hægt yrði að leggja bifreiðum ábúenda við heimili sín,” segir í inngangi undirskriftalistans. Þá segir ennfremur að engin kynning né viðvörun hafi verið send til íbúa Heimagötu. Þá segir ennfremur: “Eftir að kantarnir voru málaðir gulir hefur umferð og hraði bifreiða aukist töluvert og mikið ónæði skapast í kjölfarið langt fram á nótt.”

“Okkur hefur verið sagt að leggja við Ásgarð eða hjá KFUM og K húsinu og svo á bak við hús AA-samtakanna. Þar innanhús ríkir ekki ánægja með að aðrir bílar en þeir sem eiga þangað erindi noti þau stæði,” sagði Kolbrún Harpa íbúi við Heimagötu í samtali við Eyjafréttir. “Við viljum endurheimta bílastæðin við heimili okkar á Heimagötunni og að gatan verði ferð að einstefnugötu,” sagði Kolbrún Harpa og bætti við. “Vissulega voru mikil þrengsli áður við götuna enda ekki skrýtið þegar leyfð er umferð í báðar áttir og ákveðin slysahætta vegna þessa. En að fara svona aftan að íbúum götunnar er fyrir neðan allar hellur. Einstefna skal það vera og þá verða allir kátir og glaðir og fá aftur að leggja við heimili sitt.”

Umhverfis- og skipulagsráð frestaði erinidinu og óskar eftir áliti umferðarhóps.

Nýjustu fréttir

Vestmannaeyjabær

Styrkir veittir til fjölbreyttra verkefna

Aðsend grein

Neyðarkall úr Eyjum

Aðsent

Sigmundur Davíð með opinn fund

Fréttatilkynning

Hæsti styrkurinn til Eyja

Aðsent

Dýptarmæling í dag

Aðsent

Eyjalistinn í sókn: Heimasíða og stefnuskrá líta dagsins ljós!

Vinnslustöðin

Vinnandi hendur frá hafi til hátíðarborðs

Áhugavert

Kristmundur Axel kemur fram á Þjóðhátíð

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki