ÍBV sigraði ÍR í kvöld 31-22 í 16-liða úrslitum Coca Cola-bikarsins. Eyjamenn voru virkilega sannfærandi í leiknum og skein baráttugleðin af þeim. ÍR-ingar skoruðu fyrsta mark leiksins og leiddu 1-3 eftir 6. mínútna leik en ÍBV náði að jafna og eftir 10. mínútna leik var staðan orðin 5-4 fyrir ÍBV og leiddu þeir sem eftir var fyrri hálfleiks en mest komust þeir í 12-7. ÍR- ingar náðu þó aðeins að saxa á forskotið en ekki nóg og í hálfleik var staðan 13-11 ÍBV í vil.

Eyjamenn byrjuðu seinni hálfleik af miklum krafti og komust í 19-12, en stemmningin í liðinu var frábær og Hvítu Riddararnir héldu fjörinu upp í stúkunni. Eyjamenn voru alltaf með yfirhöndina það sem eftir lifði leiks og voru lokatölurnar 31-22.

�?að var virkilega gaman að sjá strákana spila í kvöld, baráttuviljinn var mikill og áhorfendur hrifust með en það hefur verið ábótavant á tímabilinu.

Mörk ÍBV skoruðu þeir: Grétar �?ór Eyþórsson 8, Agnar Smári Jónsson 6, Andri Heimir Friðriksson 5, Theodór Sigurbjörnsson 4, Einar Sverrisson 2, Guðni Ingvarsson 2, Hákon Daði Styrmisson 2, Dagur Arnarsson 1 og Svavar Kári Grétarsson 1.

Kolbeinn Arnarsson varði 16 skot í leiknum.