ÍBV og Breiðablik mættust í 16. umferð Bestu deildar karla á Kópavogsvelli í kvöld. Leikurinn endaði með 1-0 sigri heimamanna. 

Eyjamenn byrjuðu leikinn af krafti og voru með yfirhöndina í upphafi leiks. Viggó Valgeirsson var nálægt því að koma ÍBV yfir eftir hálftíma leik þegar hann átti skalla í stöngina. Blikar unnu sig vel inn í leikinn og áttu meðal annars skot í slá. Markalaust í hálfleik. 

Breiðablik braut ísinn snemma í síðari hálfleik þegar Ágúst Orri Þorsteinsson fékk boltann í þröngu færi inn á teig ÍBV. Ari i Haraldstovu Petersen, markvörður Eyjamanna, varði skot hans í fyrstu tilraun en Ágúst fylgdi sjálfur á eftir skotinu og setti boltann örugglega í netið. 

Pisco komst næst því að jafna leikinn fyrir Eyjamann þegar tæpar fimmtán mínútur voru eftir af venjulegum leiktíma. Hermann Þór Ragnarsson átti þá góða sendingu á Pisco inn á teig Breiðabliks en skot hans rétt framhjá markinu. Lokatölur leiksins 1-0.

Eyjamenn eru, eftir 16 leiki, í áttunda sæti með 16 stig. Blikar sitja í fjórða sæti með 29 stig. 

Breiðablik 1 – 0 ÍBV

1-0 Ágúst Orri Þorsteinsson (’51 )

Staðan í deildinni