Inga Lind sagði í stuttu samtali við blaðamann að móttökurnar sem þau hefðu fengið væru höfðinglegar. “Okkur líður hérna nánast eins og að vera í opinberi heimsókn. Annars ætlum við að nýta daginn til að komast yfir sem flest, taka púlsinn á loðnuvertíðinni, skoða samgöngumöguleika Vestmannaeyinga, athuga með húsin í Pompei norðursins og eitthvað fleira,” sagði Inga.

Efnið sem þau taka upp í dag verður svo sýnt á næstu dögum í Íslandi í dag, sem er sýnt alla virka daga, strax á eftir fréttatímanum á Stöð 2.