Upplestrarkeppni 7. bekkjar GRV var haldin í Tónlistarskóla Vestmannaeyja í gærmorgun.

Fyrir úrslitakeppnina í gærmorgun höfðu verið haldnar bekkjakeppnir. Þar voru valdir fjórir nemendur úr hverjum bekk. 11 nemendur kepptu til úrslita og voru á endanum þrír nemendur valdir til þess að taka þátt í lokakeppninni á Hellu í apríl, einnig er valinn einn nemandi til vara.

Allir keppendur fengu viðurkenningaskjal að keppni lokinni, segir í frétt á vef skólans – grv.is.