Hann var langþráðurinn sigurinn hjá karlaliði ÍBV í Olísdeildinni í dag. Liðið vann ör­ugg­an sig­ur á HK, 30:24. Eyja­menn lyftu sér þar með í 7. sæti deild­ar­inn­ar með 11 stig en HK sit­ur í á botn­in­um með 4 stig. ÍBV hóf leikinn mun betur höfðu 5 mörk yfir eftir kortersleik og héldu áfram að auka forskot sitt. Í hálfleik ar staðan 18-7 fyrir ÍBV.

Bilið hélt áfram að aukast á upp­haf­smín­út­um síðari hálfleiks og á 35. mín­útu var staðan 9:21 Eft­ir 40 mín­út­ur var staðan 11:23. HK tók þá aðeins við sér og minnkaði mun­inn í 16:24. Gunn­ar Magnús­son þjálf­ari ÍBV sá þá ástæðu til að taka leik­hlé þar sem hans menn höfðu greini­lega slakað held­ur mikið á. HK hélt áfram að laga stöðuna sem var 19:26 þegar 10 mín­út­ur voru eft­ir og í 21:26 tveim­ur mín­út­um síðar. Nær komust Kópa­vogs­bú­ar ekki og ÍBV inn­byrti afar sann­fær­andi sig­ur.

Mörk ÍBV: Theo­dór Sig­ur­björns­son 11, Guðni Ingvars­son 5, Andri Heim­ir Friðriks­son 5, Ein­ar Sverris­son 4, Agn­ar Smári Jóns­son 3, Magnús Stef­áns­son 1, Grét­ar Eyþórs­son 1.