Minningarmótið Úlli open fór fram um helgina

Eyjafréttir
·
Fréttir
·
19. ágúst 2020

Á föstudag fór fram minningarmótið Úlli Open 2020, en það er haldið til minningar um Gunnlaug Úlfar Gunnlaugsson, Úlla pípara, sem bjó um langt árabil hér í Eyjum. Hann var fæddur á Siglufirði þann 05.apríl 1958 bjó þar fyrstu árin með fjölskyldu sinni en dreif sig út í Eyjar á unglingsárum og vann hér bæði á sjó og í landi, lengst af hjá Huginsfólkinu og í Miðstöðinni hjá Didda heitnum og Mara píparara. Hann flutti svo til Grindavíkur og bjó þar og starfaði þar til hann lést þann 22.september á síðasta ári.

Kristín Valtýsdóttir, fyrir hönd Krabbavarnar, tekur á móti styrknum sem safnaðisst í kringum mótið. Samtals kr. 327.000. Það voru síðan Kristín Gísladóttir, ekkja Úlla og börn hans, Eva Rut, Þorfinnur og Gunný sem afhentu hann.

Úlli var mikill Eyjamaður, enda kynnti hann sig sem Úlla, Eyjamann, fæddan á Siglufirði en búandi og starfandi í Grindavík. Hann var mikill Þjóðhátíðarmaður og lagði mikið upp úr að tjaldið hans og hans fólks væri glæsilegt og vel búið í alla staði. Hann spilaði golf með vinum sínum og fór í ófáar golfferðirnar. Hann ætlaði að halda golfmót í Grindavík á síðasta ári en heilsan hreinlega leyfði það ekki og hann tók loforð af vinum sínum að halda golfmótið, þótt síðar væri. Það var síðan ákveðið strax í kjölfar fráfalls hans að halda minningarmót og gera það að árlegum viðburði, til þess að halda minningu yndislega Úlla á lofti og styrkja um leið félagasamtök í hans nafni.

Ættingjar og vinir vilja þakka öllum þeim sem lögðu hönd á plóg við undirbúning þessa móts kærlega fyrir. Lagnaþjónusta Suðurnesja sem Úlli stofnaði ásamt Rúnari Helgasyni kom myndarlega að mótinu með fjárstyrk, en Þorfinnur sonur Úlla er nú meðeigandi Rúnars að Lagnaþjónustunni. Allir þátttakendur greiddu að sjálfsögðu myndarlegt mótsgjald og vinningar komu frá Bláa lóninu, Harbour view, Northern light Inn, Golfklúbbum Grindavíkur og Vestmannaeyja, Miðstöðinni, Skipalyftunni, Geisla, Byko, 4×4 adventures, Papas pizza, Hafinu, Esju, Sælkeradreifingu og Stóra sviðinu og að auki gaf Jóhannes Barkarson, frændi Úlla, glæsilegan farandbikar.

Sigurvegarinn, Bjarki Guðmundsson, ásamt Stínu, ekkju Úlla og börnunum Evu Rut, Þorfinni og Gunný.

Glæsilegu móti lauk með sigri Bjarka Guðmundssonar frá Grindavík, þannig að farandbikarinn verður fyrsta árið varðveittur í Grindavík. Í verðlaunaafhendingunni afhentu síðan Kristín Gísladóttir, ekkja Úlla og börn hans, Eva Rut, Þorfinnur og Gunný, Kristínu Valtýsdóttur frá Krabbavörn í Vestmannaeyjum, allt það sem safnaðist í kringum mótið, eða 327.000,- krónur. Þakkaði hún fyrir þennan styrk með fallegum og vel völdum orðum.

Enn og aftur vilja aðstandendur mótsins þakka stuðninginn og minna á að mótið verður haldið aftur á næsta ári og stefnan er að gera enn betur þá J.

Úrslit mótsins:
Karlar:
1. Bjarki Guðmundsson
2. Kristófer Helgi Helgason
3. Bjarni Ólafur Guðmundsson

Konur:
1. Guðrún Mary Ólafsdóttir
2. Kristín Gísladóttir
3. Gunný Gunnlaugsdóttir

Nýjustu fréttir

Vestmannaeyjabær

Styrkir veittir til fjölbreyttra verkefna

Aðsend grein

Neyðarkall úr Eyjum

Aðsent

Sigmundur Davíð með opinn fund

Fréttatilkynning

Hæsti styrkurinn til Eyja

Aðsent

Dýptarmæling í dag

Aðsent

Eyjalistinn í sókn: Heimasíða og stefnuskrá líta dagsins ljós!

Vinnslustöðin

Vinnandi hendur frá hafi til hátíðarborðs

Áhugavert

Kristmundur Axel kemur fram á Þjóðhátíð

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki