Nótt safnanna verður haldin helgina 9. til 11. nóvember en menningarhátíðinni hefur vaxið fiskur um hrygg undanfarin ár. Dagskráin hefur líklega aldrei verið jafn glæsileg en meðal þess sem þar má finna eru tónleikar Mugison og þá mun rithöfundurinn Yrsa Sigurðardóttir lesa upp úr bók sinni sem gerist að stórum hluta í Vestmannaeyjum en í sögunni finnst lík í uppgreftrinum Pompei Norðursins. Drög að dagskránni má sjá hér að neðan.