Eldgosið á Heimaey árið 1973 breytti ýmsu. Það sem t.d. breyttist var innsiglingin til Eyja. Lengi vel var óttast að hraunið rynni út í innsiglinguna og lokaði henni. Sennilega hefur kælingin á hrauninu komið í veg fyrir það. Fyrir vikið er innsiglingin til Eyja orðin mjög góð. Hér áður fyrr var oft ansi tæpt siglt þegar bátar voru að koma inn til Eyja. Í austanáttum var farið útundir Bjarnarey til að fá skjól af eynni áður en beygt var inn til Eyja. Hér er stutt myndband af Lunda VE koma inn til Eyja í slæmu veðri og segir margt um þær aðstæður sem þá voru í innsiglingunni.