Nýbakaðir sjávarútvegsfræðingar ráðnir til starfa í Vinnslustöðinni

„Vinnslustöðin var alltaf fyrsti kostur sem vinnustaður enda var ég í góðu sambandi við hana á námstímanum og lokaverkefnið tengdist fyrirtækinu,“ segir Dagur Arnarsson, nýútskrifaður úr sjávarútvegs- og viðskiptafræðum frá Háskólanum á Akureyri og nú fastráðinn starfsmaður VSV.

Annar nýútskrifaður sjávarútvegsfræðingur frá Háskólanum á Akureyri, Hallgrímur Þórðarson, er líka kominn í fast starf hjá Vinnslustöðinni. Þeir félagar eiga líka sameiginlegt að vera gegnheilir Eyjamenn, hafa báðir unnið hjá Vinnslustöðinni eða dótturfélögum hennar undanfarin ár og báðir útskrifuðust með lokaverkefni tengd Vinnslustöðinni.

Hallgrímur nam sjávarútvegsfræðin í fjarnámi frá Eyjum og vann jafnframt á netaverkstæði og á skrifstofu Vinnslustöðvarinnar. Hann starfar núna á skrifstofunni.

Dagur hefur gengið í margvísleg störf í Vinnslustöðinni og Hafnareyri en er núna hjá Iðunni Seafoods ehf. sem Vinnslustöðin á hlut í.

Dagur:
„Ég velti því fyrir mér í lokaverkefninu hvort hagkvæmt væri að bæta við pökkunarvél í uppsjávarhúsi Vinnslustöðvarinnar. Verkefnið varðaði bæði sjávarútvegsfræði og í viðskiptafræði í náminu. Þetta þarf að kanna enn frekar og vonandi verður það gert.“

Hallgrímur:
„Lokaverkefnið mitt fjallaði um hvort hagkvæmara væri fyrir Vinnslustöðina að framleiða krapa um borð í skipunum sínum frekar en að taka hefðbundinn flöguís með sér að heiman til veiða. Vísbendingar eru um að sú leið sé hagkvæmari en það þarf að fara dýpra í málið og setja rauntölur um kostnað alls staðar inn í dæmið. Sumt varð ég að áætla en áhugi er fyrir því að ég haldi áfram að kanna málið frá öllum hliðum.“

Nýjustu fréttir

Íþróttir

ÍBV vann Val í æfingaleik

Ritstjórn

Þögn bæjarfulltrúa vekur spurningar

Samgöngur

Herjólfur breytir áætlun á morgun

Myndband

Fundur bæjarstjórnar í beinni

Fréttir

Appelsínugul viðvörun: Suðaustan rok og stórhríð

Fréttir

Aðalfundur krabbavarnar í gær

Aðsend grein

Vestmannaeyjar skila milljörðum – en fá hvað í staðinn?

Íþróttir

Íþróttamaður mánaðarins – Haukur Leó

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki